廣島蠔豉產量銳減，齊來尋找代替品!!
早一個禮拜同大家分享過今年日本乾瑤柱失收情況，導致價錢暴升！
其實除咗乾瑤柱之外，今年都有另一款日本水產出現嚴重失收，就係廣島蠔豉！
日本最主要養殖蠔產地廣島縣因為二五年海水變暖而導致大量養殖蠔集體死亡。
今季的養殖蠔死亡率高達 80% 至 90%（平時正常年份約為 30% 至 50%）。倖存下來的蠔普遍體型偏小、品質欠佳，無法達到供應餐廳和商店的標準。
呢個情況，氣候變化同埋高溫係主要原因。
日本係2025 年經歷左自 1898 年有紀錄以來最炎熱的夏天。高溫同埋乾旱引發一連串環境連鎖反應，包括海水異常變暖。
蠔肉產量銳減導致當地美食節供貨短缺、餐廳必須提前結束營業。更加唔好提將新鮮廣島蠔加工變成蠔豉了。
更加大鑊嘅係業界認為而家呢一個問題都唔會有顯著改善，所以睇怕下年蠔豉嘅供應都唔會話好顯著咁樣回升，乾瑤柱雖然話貴都仲有少量新貨到，日本蠔情況更加慘烈，大家唯有考慮其他產區例如韓國同埋中國大陸嘅蠔豉！
